![](uploads/news/5baa0d1f54e5a4.98272540.jpg)
გამოცემა Bloomberg-ი გაეროს მსოფლიო ტურიზმის ორგანიზაციის კვლევას აქვეყნებს. 2017 წლის ანგარიშის მიხედვით, ევროპაში ყველაზე სწრაფად მზარდ ტურისტულ ქვეყნებს შორის საქართველომ მეორე ადგილი დაიკავა, ზრდა 27.9%-ია.
სიის ათეული ასე გამოიყურება: სან მარინო (+31.1%); საქართველო(+27.9%); ისრაელი (+24.6 %); თურქეთი (+24.14%); ისლანდია(+24.11%); მაკედონია (+23.5%); აზერბაიჯანი (+20%); მოლდოვა(+19.6%); ბოსნია და ჰერცეგოვინა(+18.66%); სომხეთი (+18.65%).
Bloomberg-ის ჟურნალისტის, ნიკი ეკშტეინის თქმით, საქართველო გამოცდილი მოგზაურებისთვის საინტერესო მიმართულება გახდა: „ამ ქვეყანაში კულინარიული თავგადასავლები სულ უფრო პოპულარული ხდება და ქართული სამზარეულო მოგზაურების მოსაზიდად კატალიზატორის ფუნქციას ასრულებს. ქართული ტრადიციული კერძები საუკეთესო მიზეზია, რომ ევროპის ამ ხელშეუხებელ კუთხეს ეწვიოთ“.
Reginfo